ROXAS CITY – Pila ka mga kabanwahanan sa probinsiya sang Capiz ang ginlubog sa tubig baha kasunod sang pagbubu sang mamunog nga ulan nga gintunaan sang pagtaas sang lebel sang tubig sa mga kasubaan.
Ini ang ginkompimar sang talatapan sang Provincial Disaster Risk Reduction and Management Office (PDRRMO).
Suno kay Provincial Disaster Risk Reduction and Management Office Head Mrs. Judy Grace Pelaez, ginpahayag sini nga may pila ka mga kabanwahan ang apektado sang baha ukon flashfloods.
Kalakip sa mga kabarangayan kag kabanwahanan ang padayon nga lubog sa tubig baha apang nagapabilin man sa gihapon nga pasable ang mga dalanon sa mga motorista.
Kalakip na diri ang banwa sang Sigma, Dumarao, Cuartero, Mambusao, Pontevedra, Panitan kag Pres. Roxas.
Ginapaalerto naman sang talatapan ang mga residente nga yara malapit sa coastal areas ukon suba bangud sa posible nga pagsaka sang lebel sang tubig sa tion nga indi mag-untat ang pag-ulan
