Ginkumpirmar ni Budget Secretary Amenah Pangandaman nga kalakip sa mga programa nga ginpaidalom ni Presidente Ferdinand Marcos Jr sa “conditional implementation” amo ang Ayuda sa Kapos ang Kita Program (AKAP), Payapa at Masaganang Pamayanan (PAMANA) Program sang DSWD.
Mangin ang Basic Infrastructure Program sang DPWH, Support to Foreign-Assisted Projects, kag pagbayad sang retirement benefits kag pensions kag release sang bayad sang retirement benefits kag pensions sang Office of the Ombudsman.
Lakip man sa mga ginpaidalom sa “conditional implementation” ang Maintenance and Other Operating Expenses sang mabababang korte sang Hudikatura kag Korte Suprema, paggamit sang sobra nga kita gikan sa Total Annual Tariff Revenue sang Rice Importation, Calamity Fund sang National Disaster Risk Reduction Management Program sang NDRRMC.
Lakip man ang Rewards and Incentives Fund sang Bureau of Customs, kag Availability of Appropriations and Cash Allocations sang Kongreso.
Pahayag ni Pangandaman, kinahanglann nga magpaguha sang guidelines ang mga ahensya kasubong sang DSWD, DOLE kag NEDA bag-o ma-release ukon mahatag sa ila ang pondo.
Ini agud masiguro ang maayos nga pagpatuman sang mga programa kag tama nga distribusyon sang kwarta, ilabi na sa mga programa nga may kinaangtanan sa bulig pinansyal. Ginhatagan na man sang go signal sang presidente ang pila ka probisyon kasubong sang pagkay-o sang Organizational Structure sang Kongreso kag sang ila tagsa ka Electoral Tribunals kag Commission on Appointments, Special Road Fund sang DPWH, kag Health Facilities Enhancement Program sang DOH.
