Ginapahulag ni Senate Committee on National Defense Chairman Senador Jinggoy Estrada ang mga ahensya sang gobyerno nga aksyunan gilayon ang tuhoy sa nasiplatan nga Russian attack submarine sa West Philippine Sea sang nakaligad nga dominggo.
Partikular nga gintumod sang senador ang Department of National Defense, Armed Forces of the Philippines, Department of Foreign Affairs nga hatagan sang kaathagan gilayon ang intensyon sa gulpi nga pagsulod sang Russian attack submarine sa kadagatan nga sakop sang pungsod.
Suno kay Estrada, alarming ang sitwasyon kag posible nga mahamtang sa risgo ang seguridad sang aton maritime domain nga sentro sang mga geopolitical tensions.
Samtang, pahayag naman ni Senador Joel Villanueva, nga dapat mas stiktuhan sa karon ang pagbantay sa kadagatan.
Sa nakaligad nga pagsabatas sang Maritime Zones Act kag Archipelagic Sea Lanes, may yara na ang pungsod sang mas matibaty nga legal nga butang agud protektahan ang soberanya sa rehiyon.
Nsiplatan ang Russian attack submarine sini nga Huwebes sa kanluran nga bahin sang Occidental Mindoro nga nahibaluan nga nagikan sa Malaysia pero wala na ini naglubog pa sa kadagatan kag nagpadulong nalang ini pahilaga paguwa sang territorial waters sang pungsod sang weekend.
