Gin-alerto ni Senate Majority Leader Francis Tolentino ang Commission on Elections (COMELEC) nga magbantay ilabi na sa posibilidad nga posible nga may iban pa nga kaangay ni dismissed Bamban, Tarlac Mayor Alice Guo ang maga-kandidato sa 2025 midterm elections.
Suno kay Tolentino, kinahanglan nga mangin alerto ang COMELEC sa mga kasubong nga posibilidad apisar pa matawag nga ministerial lang ang ila nga responsibilidad sa pagbaton sang mga certificates of candidacy (COC).
Maluwas sa COMELEC, importante man nga magbulig ang publiko ka gang intelligence community kun may mga kasubong nga impormasyon nga makuha.
Samtang, para kay Senate Minority Leader Koko Pimentel, indi dapat ini ikaalarma bangud sigurado naman nga may mga remedy nga gin-athag diri ang COMELEC.
May mga adjustment suno diri nga ginpahamtang ang komisyon agud malikawan nga may isa ka dayuhan ang magapapili sa public office.
Dugang pa ni Pimentel nga kaangay sang kaso Alice Guo, indi ini “worth it” bangud ang isa ka indi kwalipikado nga indibidwal ang nakatalana nga madula man ang tanan sa iya.//end
