Kalakip ang Pilipinas sa mga pungsod sa Asya nga may pinakamataas nga datos sang rejection sa pag-apruba sang US visitor visa subong nga 2025, base sa datos nagikan sa US Department of State kag report sang Travel and Tour World.

Ginabulubanta yara sa 28.33% sang mga aplikasyon para sa B1/B2 visa sang mga Pinoy ang ginbalibaran subong nga tuig.

Apisar madugay na nga kaalyado sang Estados Unidos ang Pilipinas, padayon nga nagakabudlayan ang madamo nga mga aplikante nga makakuha sang visa bangud sa mga rason nga kaangay sang indi klaro nga katuyuan sa pagpanglakaton, kulang sa dokumento, kag maluya nga koordinasyon sa mismo nga pungsod.

Sandig sa Travel and Tour World, partikular nga nagakabudlayan ang mga mas bata nga aplikante nga wala sang permanente nga trabaho ukon bastante nga dokumento sang kapasidad sa pinansyal.

Dako ang timbang nga ginahatag sang mga US consular officer sa intensyon sang aplikante nga magbalik sa Pilipinas, kag ano man nga indikasyon sang kakulang sa koordinasyon pang-ekonomiya ukon panlipunan sa pungsod ang mahimo nga magresulta sa gilayaon nga rejection.

Magluwas sa Pilipinas, mas mataas pa ang rejection rate sa pila pa ka mga kaingod nga pungsod sa Asya kasubong sang Bangladesh nga may 46.09%, Pakistan nga may 45.65%, kag Sri Lanka nga may yara sang 29.76%.

Ginatudlo ang kabalaka sa sala nga paggamit sang visa, kasubong sang pagpabilin sa US lapaw sa gintalana nga tyempo kag iligal nga pagtrabaho, bilang nagapanguna nga rason sang mga denials.

Ginapakita sang datos ang labi pa nga paghugot sang US sa screening sang mga visa application, labi na sa mga pungsod nga may mataas nga kaso sang visa overstay ukon may pagkabalaka sa pang-ekonomiko nga migrasyon sa diin suno sa mga independent watchdog, nagadamo ang nasambit nga trend sa rehiyon, senyales sang maid-id nga pagchekyar sang mga konsulado sa mga aplikante.