Ginkumpirma sang Department of Health (DOH) ang padayon nga pagtaas sang kaso sang mga ginaigo sang Human Immunodeficiency Virus (HIV) sa pungsod.
Suno kay DOH Secretary Ted Herbosa, nagapanguna ang Pilipinas sa bug-os nga kalibutan nga may pinakadasig nga pagtaas sang HIV infected.
“Fifty-seven new cases a day. 500 percent increase ito. Tayo ang pinakamataas sa numero ng new cases of HIV sa buong mundo. Iyon ang nakakaalarma,” pahayag ni Herbosa.
Kaangut sini, ginbuyagyag man ni Herbosa nga nagpalapit na siya kay President Ferdinand “Bongbong” Marcos, Jr. agud makadeklara sang national public health emergency para sa kaso sang HIV.
Suno pa kay Herbosa nagapang-edaron sang 12-anyos gikan sa Palawan ang pinakabata nga nagpositibo sa nasambit nga virus.
Samtang, gin-athag man ni Herbosa nga mahimo mabulong ang HIV pinaagi sa anti-retroviral.
“Ang HIV ngayon nagagamot na, basta ma-test ka at mabigyan ka ng tinatawag na anti-retroviral,” pahayag ni Herbosa.
