Nadugangan pa sang bulawan nga medalya ang Pilipinas sa nagapadayon nga 2025 Southeast Asian Games.
Ang Olympian gymnast nga si Aleah Finnegan nagdaug sang bulawan nga medalya sa women’s vault finals.
Antes nagdaug si Finnegan, nagmandu ang presidente sang Philippine Olympic Committee nga si Abraham Tolentino nga i-recount ang resulta, nga nagresulta sa pagdeklarar sa iya nga nagdaug.
Nakakuha naman si Haylee Garcia sang silver medal sa women’s uneven bars.
Napaslawan naman si Clarence Sarza batok kay Patcharakan Poolkerd sang Thailand agud makuha ang silver medal sa women’s 46kg.
Samtang, sa jiujitsu, ginlutos ni Kimberly Custodio ang iya kasumpong nga taga-Thailand sa finals sang ne-waza women’s 49 kg.
Bronze medal naman ang nakuha ni Gymnast Justin Ace de Leon sa men’s ring at men’s floor exercise.
Nagalaum naman ang Pilipinas nga mas madamo pa nga medalya ang madala pauli sang mga Filipino athletes sa nagkalain-lain nga sports fields.
