-- ADVERTISEMENT --
Narumpag ang B1 bridge sa Karaj, Tehran, nga ginakabig pinakamataas nga taytay sa Iran, matapos ini ang ginpuntariya sang US kag Israeli air strikes bilang kabahin sang lima ka semana nga pagsaka sang tensyon sa rehiyon.
Gin-share ni US President Donald Trump ang video sang narumpag nga taytay sa social media, nga nagapaandam sang dugang nga pag-atake kun indi mag-negosyar ang Iran.
Suno sa Iranian state TV, duha ka airstrike ang nag-igo sa taytay nga nagtuga sang pilas kag kamatayon.
Ang insidente nagtuga sang kabalaka sa internasyonal nga komunidad nahanungod sa posible nga epekto sini sa seguridad sa rehiyon kag sa presyo sang langis.
