JAPAN – Magabalik sa boxing ring si Pinoy boxing legend Donnie “Ahas” Nietes.
Nahibaluan nga sa palaabuton nga Mayo 20 makasambuwa sini ang mas bataon nga boksidor nga si Japane boxer Jun Ikegawa nga hiwaton sa Korakuen Hall sa Tokyo, Japan.
Ulihi nga sambuwa sang 42-anyos nga si Nietes sadtong Abril 10 batuk kay Pinoy boxer Miller Alapormina kag nagdaog ini pinaagi sa unanimous decision.
Tuig 2022 pa sang naghampang sa Japan si Nietes kun sa diin napaslawan ini liwat sa rematch ni Japanese boxer Kazuto Ioka kag nakuha ang WBO World super flyweight belt.
May ara sang 44 ka daog, duha ka piyerde kag anom ka draw nga may 23 knockouts si Nietes samtang ang 27-anyos nga Japanese boxer ang may pito ka daog, isa ka piyerde, duha ka draw kag duha ka knockouts.
Nagdaog si Ikegawa pinaagi sa split decision sa Pinoy boxer nga si Carlo Demecillo sadtong 2023 nga ginhiwat diri sa Pilipinas.
