Nagtaliwan na si Pinoy golfer Felix ‘Cassius’ Casas sa edad nga 57-anyos.
Ginkumpirma sang iya utod nga babaye nga si Angie ang pagtaliwan sang sikat nga golfer sa balay sini sa Davao province.
Pila ka semana bag-o ang pagtaliwan tuman ang iya nga pag-inubo kag sadtong adlaw sang domingo gindala na ini sa hospital bangud nabudlayan na ini maginhawa.
Ang Davao-born ang nagmadinalag-on sang Philippine Open sadtong 2001 kag Philippine Masters sadtong 2000 sa Villamor.
Nagmadinalag-on man ini sa Razon Cup sang duha ka beses nga ginhiwat sa Country Club.
Napili siya nga makighampang kay Tiger Woods sa exhibition game sa Mimosa sa Clark sadtong 1998.
Siya man ang una nga Pinoy nga naghampang sa US Open kag una nga alternate sa Bethpage Black sadtong 2002.
