ROXAS CITY – Ginkalipay kag ginpasalamat ni Provincial Liga President kag Ex Officio member sang Sangguniang Panlalawigan Lilia Demalata ang plano sang House of Representatives nga liwat ipaiway ang barangay elections sa maabot nga bulan sang Oktubre kag sa baylo patigayunon ini sa bulan sang Mayo sa masunod nga tuig..
Suno kay punong barangay Lilia Demalata daku nga butang ang ini nga tikang sang mga mga kongresista para ila mapadayun ang mga programa nga ila nasuguran sa nasakupan labi na ang pagpaidalum sa tanan nga mga opisyales sang barangay sa drug test.
Nagapati man ang opisyal kun madayon ang plano sang kongreso nga ipaiway ang eleksyon sa barangay, mas maayo kun hold over capacity sa gihapon ang ipatuman sa baylo nga mag-appoint sang magapungko nga opisyales sa barangay nga posible halinan sang indi pag-intiendihanay.
