Nagdugang kag halos gindoble na sang Philippine National Police (PNP) ang ila presensya sa mga lugar nga madamo sang tawo sang nagsugod ang ‘Ber’ months.
Suno kay PNP Chief Police General Jose Melencio Nartatez Jr., ginmanduan niya ang tanan nga regional kag city police units nga pabaskugon ang police visibility, pagpatrolya kag pagbantay sa mga establisyemento.
Bantayan man nila ang mga transport terminal kag iban pa nga pampubliko nga lugar nga masami ginakadtuan sang mga tawo.
Ginalauman nga sa amu sini nga mga bulan magadamo man ang mga kawatan nga nagapang-abuso ukon nagapangkwarta sa mga lugar nga masami ginabisitahan sang publiko.
Ginpahayag naman sang PNP Chief nga bug-os nga tuig nagabantay ang mga kapulisan agud masiguro ang seguridad kag kaluwasan sang publiko.
