-- ADVERTISEMENT --
Hugot nga ipatuman sang Pontevedra Municipal Police Station (MPS) ang Municipal Ordinance No. 106 nga nagadumili sa mga menor de edad nga yara idalom sa 18 anyos nga maglagaw ukon magtambay sa mga dalan sang banwa kag iban pa nga lugar sa sulod sang munisipyo sang Pontevedra kon gab-i.
Pinaagi sini, nagapanawagan ang Pontevedra MPS sa tanan, ilabi na sa mga ginikanan nga may mga menor de edad nga kabataan, nga ipahanumdom kag ipahibalo sa ila ang nasambit nga ordinansa.
Ginpangabay man sang kapulisan ang kooperasyon sang publiko agud mapabilin ang kalinong kag seguridad sa komunidad.
Nagpasalamat man ang Pontevedra MPS sa suporta kag pagbulig sang mga residente sa pagpatuman sang amo nga patakaran.
