Poultry raisers, nag-apela sa DA nga bantayan ang tuman nga pagtaas sang retail price sang manok

Ginhinyo sang grupo nga United Broiler Raisers Association (UBRA) sa Department of Agriculture (DA) nga bantayan ang dalayon nga pagtaas sang retail price sang karne sang manok sa mga merkado.

Ginhimu ni UBRA Chairman Gregorio San Diego ang apela kasunod na man sang manubo nga farmgate price sang manok apang nagapabilin naman nga nagakataas nga retail price sini.

Suno kay San Diego, sa pila ka lugar nagalab-ot lamang sa P98 kada kilo ang farmgate sang manok samtang ang retail ang naglab-ot na nagikan sa P170 tubtob P230 kada kilo.

Kinahanglan suno niya nga maghimu na sang DA sa kapareho nga tikang agud pasabton ang mga retailer nga nagdugang sang tuman nga retail price sang ila mga baligya nga karne sang manok.