Ginganyat sang Philippine Red Cross (PRC) ang mga buluthuan nga iduso ang boluntarismo sa kabataan, ilabi na sa mga tion sang kalamidad kag iban pa nga hitabo.
Sa 17th annual Commission on Accreditation for Local Colleges and Universities (ALCUCOA) National Conference, ginpahayag ni PRC Secretary General Dr. Gwen Pang ang papel sang mga buluthuan sa paghubog sang mga volunteers.
Ginpakigbahin sini ang ang na-eksperyensyahan bilang Red Cross Youth volunteer kag ginganyat ang pagpakig-angut kag pagbuliganay sang mga buluthuan sa PRC para sa mga programa sang boluntarismo.
Pahayag man ni PRC Chairman Richard Gordon nga importante ang boluntarismo agud mapasanyog ang kabataan kag ang ila kaluyagan nga magserbisyo para sa mga adhikain sang mga ini.
