MANILA, Philippines – Personal nga ginpatulan ni President Ferdinand Marcos Jr., ang nagalapta nga huring-huring tuhoy sa iya ikaayong lawas matapos nga nag-jogging sa sulod sang compound sang Malacañang.
Sa isa ka press conference, ginhangkat sang Presidente ang mga nagapalapta sang indi matuod nga impormasyon nga mag-upod sa iya exercise agud makita ang iya physical condition.
Ginpahayag man sini nga maayo ang iya ikaayong lawas base sa iya mga medical check-up, lakip na ang normal nga blood test kag resulta sang Computed Tomography (CT), scan, kag padayon lang siya nga naga-inom sang maintenance medication para sa gout kag hypertension.
Samtang, ginpamatukan naman sang Palasyo ang mga alegasyon angut sa ginaalegar malawig nga pagmasakit sang Presidente nga ginpalapta sang pila ka mga kritiko, lakip na si Senador Imee Marcos.
