MANILA, Philippines – Magaselebrar sang Semana Santa si Pres. Ferdinand Marcos Jr., samtang padayon nga ginamonitor ang sitwasyon sang pungsod, lakip na ang tensyon sa Middle East.
Suno sa Presidente, magapabilin siya sa iya probinsya agud mag-obserbar sang Kuwaresma antes magbalik sa syudad.
Ginpahayag naman ni Claire Castro nga indi bakasyon ang paghalin sang presidente bangod padayon siya nga magahatag sang direktiba sa mga ahensya sang gobyerno.
Gin-engganyo man ni Marcos ang mga Pilipino nga magbinuligay kag magpabilin nga may pagtuo samtang naga-atubang ang kalibutan sang nagkalain-lain nga krisis.
Ginalauman niya nga ang panahon sang Kuwaresma magahatag inspirasyon sa tanan nga magpakita sang gugma, pagbulig kag pagtuo bisan sa tion sang mga pagsulay.
