Ginpakigbahin ni President Ferdinand Marcos Jr. ang importansya sang pag-edukar sa mga kababainhan ang dapat mangin prayoridad sang tagsa ka pungsod, bangud ini nagapabakod sang mga pamilya kag mga pungsod.
Ini ang nangin kabahinsang speech sa paghatag pasidungog sa mga kababainhan nga Pilipino bilang “cornerstone of nation-building’ sa ika-70 nga sesyon sang United Nations Commission on the Status of Women sa New York, kun sa diin siya nagpadulong para sa duha ka adlaw nga working visit.
Ginhatagan man pagtamod sang Presidente nga ang mga kababainhan nga Pilipino ang padayon nga nagahulma sang demokrasya, ekonomiya, kag national character sang pungsod.
Apang, ginkilala niya ang mga kabudlayan nga ginaatubang sang mga kababainhan, lakip na ang diskriminasyon, violence kag limitado nga mga oportunidad.
Nahibaluan nga magatinir si Marcos sa Estados Unidos tubtob sa Miyerkules, Marso 11.
Sa iya nga working visit, nakigsapol man ini kay UN Secretary-General Antonio Guterres bilang sidelines sang iya pagbisita.
