-- ADVERTISEMENT --
Gin-anunsyo ni President Ferdinand Marcos Jr ang pagbalik sang sports management sa Department of Education (DepEd).
Ini ang ginpahayag sang Presidente sang nagtambong ini sa pagbukas sang Cagayan Provincial Athletic Association (CPAA) nga ginhiwat sa Camalaniugan Sports Complex, Cagayan.
Suno sa Presidente, ang nasambit nga lihok ang magapasanyog sang sports sa mga estudyante.
Ginhatagan pagtamod sang Presidente nga ang pagbalik sang sports sa DepEd agud nga ang mga pamatan-on maka-eksperyensya sang sports, mapabaskog ang ila lawas kag makatuon kon paano makig-upod sa iban nga teams kag tawo.
Madumduman nga gintawag ang DepEd nga Department of Education, Culture and Sports (DECS) sa diin ginkakas ang school sports.
-- ADVERTISEMENT --
