Gin-affirm sang Comelec Second Division ang ruling sang RTC Branch 15 nga nagsiling nga natapos na ni President Roxas, Capiz Mayor Receliste “Tanoy” Escolin ang iya tatlo ka termino bilang alkalde.
Sa interview sang Bombo Radyo kay Mayor Escolin, iya ginpahayag ang ang iya bahin angut sa nasambit nga desisyon kag sa masunod nga mga tikang sang iya kampo samtang nagapadayon ang legal nga proseso sa bagay sang iya eligibility bilang alkalde.
Ini ang base sa 19-page nga desisyon sang Comelec Second Division sa quo warranto case nga ginpasaka ni anay Sangguniang Bayan Member Bart Locsin batuk kay Escolin. Ginpaboran sang Comelec ang nauna nga desisyon sang korte nga wala sang interruption sa iya tatlo ka termino bilang alkalde, nga nagadeklarar nga wala na siya sang kinamatarong nga magpadalagan liwat sa amo man nga posisyon sa tuig 2025.
Samtang, indi pa pinal ang nasambit nga desisyon bangud ginahulat pa ang final ruling sang Comelec En Banc.
Plano naman sang kampo ni Escolin nga magpasaka sang motion for reconsideration sang ila defense team, gani nagapabilin sa proseso ang legal matter may kaangtanan sa iya eligibility bilang alkalde ni Presidente Roxas.
