Ginalauman sang Department of Agriculture (DA) nga magapabilin nga estable ang presyo sang bugas sa una nga bahin sang 2026 samtang yara sa gihapon sa 15 percent ang taripa sa imported nga bugas.
Suno kay Department of Agriculture spokesperson Assistant Secretary Arnel de Mesa, nagapabilin sa 15 percent ang taripa para sa imported nga bugas bangud nga wala nalab-ot ang threshold nga kinahanglanon agud ma-trigger ang pagtaas sini.
Dugang pa ni De Mesa, agud mapataasan ang taripa sa 20 percent ang presyo sang benchmark Vietnam rice ang dapat yara sa $350 tubtob $367 per metric ton.
Pahayag pa sini nga ang presyo sang Vietnamese rice ang nagapabilin nga manubo gani nagaepekto sa gihapon ang maximum suggested retail price (MSRP) sang bugas nga P43 kada kilo.
