Wala sang ginalauman nga pagsaka sa presyo sang bulong tubtob sa Hunyo sa tunga sang epekto sang tensyon sa Middle East.
Suno kay Private Hospitals Association of the Philippines (PHAPi) president Jose Rene de Grano, wala pa sang report gikan sa ila mga miyembro nga ospital angot sa anuman nga kakulangan ukon pagtaas sang presyo sang supply sa pihak sang pagsaka sang presyo sang langis.
Gin-athag ni De Grano nga sa masami nagakinahanglan sang duha ukon tatlo ka bulan agud mapahibalo sang mga supplier ang mga ospital nga nagtaas ang presyo sang bulong.
Apang, suno sa iya, indi mahapos para sa mga pribado nga ospital ang magpatuman sang mataas nga presyo, bangud man nga ang kalabanan nga presyo sang bulong ang kontrolado sang gobyerno.
Pahayag pa niya, kalabanan sang mga imported nga bulong sang pungsod ang nagahalin gihapon sa India kag China.
