Ginalaumann ga wala sang pagtaas sa presyo sang pila ka tinapay kag canned goods tubtub Disyembre ukon katapusan sang tuig kadungan sang holiday season.
Ini matapos nga nagpasugot ang pila ka mga food manufacturers nga ipabilin ang subong nga presyo tubtub sa katapusan sang 2025 sandig sa mandu ni Presidente Ferdinand Marcos Jr.
Lakip na diri ang mga nagahimo sang Pinoy Tasty kag Pinoy Pandesal nga nalakip sa mga basic goods with suggested retail price, nga nagpasalig nga indi sila magpataas sang presyo sa tion sang holiday season.
Apang sa ila iban pa nga mga produkto kaangay sang cakes kag pastries, nga indi kabahin sang suggested retail price scheme, suno sa iya kinahanglan nila nga magtaas bangud nagtaas ang presyo sang mga ingredients kaangay sang tsokolate, butter kag iban pa nga raw materials lakip na ang operating costs.
Samtang, pag-abot naman sa mga kcanned sardines, ginpahayag ni Canned Sardines Association of the Philippines (CSAP) Executive Director Francisco Buencamino nga wala sang problema sa ila kag sa mga nagapatubas sang sardinas kag handa sila nga i-freeze ang presyo tubtub sa katapusan sang 2025.
Sa mga de-lata naman nga karne, pagasundon sang manufacturers ang direktiba ni Presidente Ferdinand Marcos Jr.
