Ginsiguro sang Department of Agriculture (DA) sa publiko nga maganubo na ang presyo sang pila ka utanon subong nga semana.
Mahibaluan nga tubtob sang Martes, ang presyo sang kamatis sa Metro Manila ang yara sa P140 tubtob P220 kada kilo, mas mataas sa price range nga P90/kg tubtob P160/kg duha ka semana na ang nakaligad.
Ang iban pa nga agricultural products nga nagataas ang presyo amu ang carrots nga nagahampang sa P100/kg. tubtob P180/kg., talong P60/kg. tubtob P120/kg., kag bell pepper nga nagalab-ot sa P200/kg. tubtob P350/kg.
Dugang pa ni De Mesa nga ang nagatinaas nga presyo ang gilayon nga mabalik sa anay presyo sini bangud sa mas madasig nga cycle sa produksiyon sang utan.
Suno kay De Mesa nga ang nagasaka nga presyo ang bunga sang harvest delay bunga sang nagabag-o nga season, magluwas pa sa epekto sang El Niño phenomenon kag sang bagyong Aghon.
Para sa low-land vegetables, ang mga produkto ang naghalin sa Southern Tagalog, Central Luzon, Cagayan Valley, kag Ilocos Region; samtang ang highland vegetables ang kalabanan naghalin sa La Trinidad, Cordillera, kag Southern Tagalog.
