Ginbalikan sang prosecution sa impeachment trial ang mga bank transaction sang 2010 nga may kaangtanan kay anay President Rodrigo Duterte kag Vice President Sara Duterte.
Sa nagapadayon nga trial, ginpamangkot ni Senator-judge Ping Lacson ang prosecution kon diin nagapadulong ang presentasyon sang mga daan nga bank transaction, ilabi na nga ginakwestyon sang depensa ang kaangtanan sang mga rekord halin sadto nga tion sa subong nga kaso sang impeachment.
Sang gin-usisa ni Lacson ang private prosecutor nga si James Bryan Ibrahim Alih, iya natukiban kun bala ang katuyuan sang prosekusyon amo ang pagplastar sang pattern nga pagagamiton sa pagpamatuod sang gina-alegar nga pagtago.
Ginkumpirma ni Alih nga ang pagtukod sang amo nga sulundan kabahin sang ila katuyuan.
