Nagpaandam ang Philippine Statistics Authority (PSA) batuk sa fake news nga nagalapta online nga nagapanagtag ini sang ayuda sa mga senior citizens nga may national ID.
Sa isa ka pahayag, ginklaro sang PSA nga wala sila nagapanagtag sang anuman nga ayuda ukon financial assistance sa mga senior citizens.
Ginhatagan pagtamod sang ahensiya nga ang financial assistance ukon bulig para sa mga senior citizens ang wala ginahatag sang PSA. Gani, mahimo nga kinahanglanon sang natungdan nga ahensya ang pagparehistro sa National ID para sa ila mga benepisyaryo, ilabi na sa mga senior citizens.
Dugang pa nga gin-athag sang ahensya nga ginabaton man ang national ID sa nagkalain-lain nga transaksyon bilang valid proof of identity. Ginagamit man ini sa pag-apply sang benepisyo sang gobyerno base sa mga polisiya kag regulasyon sang natungdan nga ahensya.
Angut sini, ginaawhag sang PSA ang publiko nga magtumod lamang sa website ukon sa site sang PhilSys agud makakuha sang lehitimo nga impormasyon.
