Partially burned ang isa ka puluy-an matapos ang nagluntad nga sunog sa Sitio Proper, Barangay Poblacion Ilaya, Maayon, Capiz.
Ginapanag-iyahan ang amu nga puluy-an kay Edna Dordas, residente sang nasambit nga lugar.
Suno kay FO1. Roger A. Berico, Chief Intelligence and Investigation Section sang Maayon BFP, ginpahayag nga nagsugod ang amu nga sunog takna alas 10:55 sang gab-i kag na declared naman nga fired out takna alas 11:03 sang gab-i.
Pahayag sini nga sa bulig sang mga residente sa amu nga lugar, nangin madasig ang pagpalong sang amu nga sunog.
Mahibaluan nga human sa light materials ang amu nga puluy-an kag wala man sang nabalhag nga napilasan ukon casualty sa amo nga insidente.
Samtang nagdangat naman sa mas ukon menos P3,500.00 ang ginbilin nga kahalitan sang amu nga sunog.
Sa karon, nagapadayon ang imbestigasyon sang mga katapo sang Maayon BFP agud nga matul-id kung ano ang gintunaan sang amu nga sunog.
