Nagapabilin nga wala sang may narekord nga casualties ang Qatar sa pihak sang padayon nga tensyon sa Middle East.
Suno kay Bombo Joseph Timothy Rivera, International Correspondent, direkta sa Qatar, iya ginpahayag nga pinaagi sa pagprotekta sang gobyerno sang Qatar napabilin nga kontrolado ang sitwasyon.
Dugang pa niya, nag-amat-amat na balik ang pila ka mga regular flights sa Qatar airbase kag madamo na sang mga stranded passengers kalakip ang pila ka mga Pilipino ang nakapauli na sa tagsa nila ka mga pungsod.
Pahayag pa sini, apisar nga malinong na sa ila nga pungsod, nagapabilin sa gihapon nga naka-alerto ang mga warning system sa Qatar.
Nagpanawagan man ang natungdan sa mga Pilipino sa Qatar nga maghalong, mangin aligmat, magsunod sa mga abiso sang gobyerno, kag magkuha lamang sang impormasyon gikan sa opisyal kag lehitimo nga mga sources.
