Quezon City Government, gin-aprubahan na ang pagrally sang UPI sa People’s Power Monument

Gin-aprubahan na sang Quezon City Government ang permit sang United People’s Initiative (UPI) agud padayunon ang ila rally sa People’s Power Monument sa EDSA subong nga adlaw, Lunes, Nobyembre 17.

Ang UPI, isa ka grupo sang mga retirado nga opisyal sang militar, una nga naghiwat sang rally sa White Plains Avenue sang Domingo.

Nagpanawagan sila sang hustisya kag accountability bangud sa nagalapta nga korapsyon sa gobyerno.

Ang rally sang UPI nagdungan sa tatlo ka adlaw nga rally sang relihiyoso nga grupo nga Iglesia Ni Cristo (INC).