ROXAS CITY-Ginalauman nga sa katapusan sang bulan magsugod ang operasyon sang Relocatable Containerized Real-Time Polymerase Chain Reaction Testing Laboratory sang siyudad.
Ini ang ginkompirmar ni Roxas City Mayor Ronnie Dadivas sang mainterview sang Bombo Radyo Roxas.
Suno kay Dadivas nga sandig sa resulta sang inspection sang Department of Health Nartional kag Regional Office, 99 porsyento nga compliant sa requirements sang DOH ang nasambit nga laboratoryo.
Apang suno sa kay Dadivas may yara sang pila ka mga menor nga butang nga dapat nga dapat comply agud mahatang sang license to operation ang RT-PCR testing laboratory.
Gindugang pa ni Dadivas nga pinaagi sa kaugalingon nga RT-PCR Testing Lab sang syudad, mangin mahupos kag madasig na ang pagpaguwa sang swab test ihilabi nga padayon nga nagatimbuok ang kaso sang COVID-19.
Samtang ginpahayag man ni Dadivas nga preparado naman ang mga medical technologists kag mga pathologists personnel nga kabahin sa operasyon sang nasambit nga laboratoryo.
Aminado naman ini nga madamo pa nga mga resulta sang swab test nga pending sa Western Visayas Medical Center.
Nagpahanumdum man si Dadivas sa publiko nga mahimo indi pagpasugtan nga maguwa sa panimalay ang mga katigulangan kga mga immunocompromise bangud madasig ini sila nga latnan sang virus.
Sandig sa datos sang siyudad nga sa 19 ka mga napatay bangud sa COVID-19, 16 diri ang mga senior citizen kag 3 ang mga immunocompromised ukon may yara na sang ginasuprehir nga balatian.
