Ginpatpat ni Kabataan Partylist Representative Renee Louise Co nga wala sang merit ang mga argumento nga ginpasa sang kampo ni former President Rodrigo Duterte sa International Criminal Court (ICC).
Sa interview sang Bombo Radyo kay Representative Co, iya ginpahayag nga sa pagbasa sang desisyon sa interim release petition, klaro nga posible wala nagtambong si Duterte sa hearing bangud mahimu ini magamit batok sa iya, ilabi na ang iya nga health condition.
Suno kay Co,madugay ang paghulag sang trial bangud may yara sang mga strategy ang kampo ni Duterte para mag-delay sang proseso, kag makatipon sang mga ebidensya nga makabulig sa kahilwayan ni Duterte.
Pahayag pa niya, indi man mahimo gamiton ang poor health ni former President Duterte bilang ground para sa iya interim release bangud yara ini sa maayo nga kahimtangan suno sa iya nga pamilya.
Dugang pa sang natungdan, makabig gamay pa lang nga hustisya ang nabaton sang mga pamilya sang biktima sang war on drugs apang isa ka tikang agud mapanabat si Duterte sa iya ginapangatubang nga kaso nga crime against humanity.
