Ginalauman ang buhin sa presyo sa mga produkto sang petrolyo sa masunod nga semana.
Gintumod ang pagrekord sang industriya base sa international trading sa nakaligad nga apat ka adlaw, ginpahayag ni Department of Energy-Oil Industry Management Bureau Assistant Director Rodela Romero nga ang presyo sang gasolina ang posible nga indi maghulag ukon magnubo sang P0.30 kada litro.
Para sa diesel kag kerosene, ang ginabulubanta nga price cut, P0.20 tubtob P0.50 kada litro kag P0.10 tubtob P0.25 kada litro, suno sa pagkasunod.
Ang mga kompanya sang gatong ang masami nga naga-anunsyo sang price adjustments kada Lunes, nga ginapatuman naman sa adlaw sang Martes.
Sang nakaligad nga Martes, Pebrero 4, ang presyo sang gasolina ang nagtaas sang P0.70 kada litro samtang nagnubo naman ang diesel sang P1.15 kada litro kag kerosene sang P0.90 kada litro.
Subong nga tuig, ang presyo sang gasolina, nagtaas na sang P3.35 kada litro, diesel sang P3.65 kada litro, kag kerosene sang P2.90 kada litro humalin sang Pebrero 4, 2025.
