Ginpahayag sang Armed Forces of the Philippines (AFP) nga magapadayon ang ila regular nga rotation and resupply (RORE) missions sa mga military outpost sini sa West Philippine Sea sa pihak sang harassment sang China.
Ginpunto ni AFP Chief-of-Staff Romeo Brawner Jr., nga responsibilidad nila nga maghatag sang mga kinahanglanon sa mga tropa nga Pilipino nga nakahamtang sa nagkalain-lain nga bahin sang WPS, kasubong sang Ayungin Shoal kag Pag-asa Island.
Ini ang pinakaulihi nga pahayag sang AFP makaligad ang masobra isa ka semana halin sang nag-engkwentroahanay ang mga tinawo sang Chinese kag tropa nga Pilipino sa Ayungin Shoal, nga nangin rason sang pagka-utod sang tudlo sang isa ka Philippine Navy personnel.
Nanindugan man ang AFP nga ang Pilipinas ang may kinamatarong nga magpatigayon sang mga misyon sa teritoryo sini sa WPS.
