ROXAS CITY – Tuman ang pagpasalamat sang Roxas City Communication Group ukon RCCG sa pasidungog sang Philippine Information Agency-Region 6 bilang Best Performing Information Office sa Western Visayas.
Ini ang ginpahayag ni Mr. Melvin Galagate ang head sang RCCG sang mainterview sang Bombo Radyo.
Suno kay Galagate nga ini ang pinakauna nga pasidungog nga nabaton sang nasambit nga talatapan nagikan sa PIA-6.
Ginpahayag pa sini nga padayon sa gihapon ang operasyon sang RCCG agud mapalab-ot ang mga nagakahinabo kag nagakaigo nga mga impormasyon sa mga pumuluyo sa siyudad sang Roxas.
Dugang pa sini nga apisar mabudlay ang ila trabaho padayon sa gihapon ang ila nga pagpanerbisyo sa mga pumuluyo.
Gani, nagapasalamat ini sa bilog nga puwersa sang RCCG kag sa alkalde sang siyudad nga si Mayor Ronnie Dadivas kag lokal nga gobyerno sang Roxas City.
Subongman ang mga indibidwal nga wala untat nga nagasuporta sa ila.
Samtang, nagalaom naman ini nga makuha sa gihapon sang nasambit nga talatapan ang nasambit nga pasidungog sa madasun nga tuig 2021.
