Ginaagda sang Roxas City Government ang mga basketball enthusiast sa syudad nga maglantaw sang Roxas City Invitational Basketball Tournament sa Agosto 21 tubtob 26 sa Dinggoy Roxas Civic Center.
Sa interview sang Bombo Radyo kay Mr. Melvin Galagate, Head sang Roxas City Communications Group, iya ginapahayag nga lima ka mga teams ang magapartisipar sa tournament nga ginalakipan sang mga unibersidad kaangay sang Adamson University Soaring Falcons, De La Salle University Green Archers, kag University of Perpetual Help System DALTA Altas.
Samtang yara man ang Universal Athletic Centre Keysborough sang Melbourne Basketball League kag Brian Kerle Basketball Academy sang Queensland.
Nagalaum si Galagate nga ma-promote bilang sports tourism ang Roxas City.
Ginpasalig man sang natungdan nga may yara pa sang madamo nga dalagko nga basketball tournament nga hiwaton sa syudad agud mahatagan sang kalipayan ang mga tumalan-aw ilabi na mga basketball enthusiast sa syudad.
