Roxas City Gov’t Employees, handa nga magpaidalom  sa Proposed Mandatory Drug Test

Handa ang mga empleyado sang Roxas City Government nga magpaidalom sa mandatory drug test sa ginaduso nga proposal ni City Councilor Fernando Luis Viterbo.

Sa interview sang Bombo Radyo kay Melvin Galagate, head sang Roxas City Communications Group, iya ginpahayag nga isa ini ka manami nga proposal nga nagatutok sa pagpasangkad sang integridad kag disiplina sa serbisyo publiko.

Suno kay Galagate, nga ang amo nga tikang ang parte sang kampanya sang syudad batok sa illegal nga druga agud maprotektahan ang mga empleyado kag ang publiko batok sa impluwensya sang ilegal nga druga.

Nagpahanumdom man ini sa mga pumuluyo nga wala sing maayo nga dala sa ikaayong lawas ang pag-involve ukon paggamit sang ilegal nga droga.