Roxas City gov’t, yara na sa pinal nga estado sa pagbakal sang Relocatable Containerized RT-PCR Testing Laboratory   

ROXAS CITY -Yara na sa pinal nga estado ang pagbakal sang Roxas City Government sang isa ka Relocatable Containerized RT-PCR Testing Laboratory sa siyudad.

Pinaagi sini, indi na kinahanglan pa nga magpadala sang specimen sa iban nga lugar.

Ginalauman nga mas mangin madasig ang pagpaguwa sang resulta sa mga ginpaidalum sa RT-PCR test agud malikawan ang paglapta sang COVID-19 sa siyudad.

Kaupod sang City Government ang mga pribado nga ospital sa siyudad para sa epektibo nga operasyon sang nasambit nga laboratoryo.

Samtang magluwas sa COVID-19, mahimo man nga ma test sa nasambit nga laboratoryo ang iban nga sahi sang mga infectious diseases.