Nagpatigayon ang Roxas City sang workshop para sa pag-update sang 10-Year Solid Waste Management Plan nga magaserbi nga giya sang syudad para sa tuig 2027 tubtob 2036.
Suno sa mga opisyal, bangud sang padayon nga pag-uswag sang syudad kag pagdaku sang populasyon, nagadamo man ang basura nga ginaproduce sang komunidad.
Gani, ginakabig nga importante ang pagrepaso kag pagbag-o sang mga programa kag polisiya para sa mas episyente nga pagdumala sang basura.
Sa workshop, gin-review ang plano, mga polisiya, datos, kag mga estratehiya nga may kaangtanan sa solid waste management.
Katuyuan sini nga mapalig-on pa gid ang mga inisyatibo para sa mas organisado nga pagdumala sang basura kag mas matinlo nga palibot para sa mga residente.
Ginpabutyag man nga ang bag-o nga plano magadepende sa kooperasyon kag aktibo nga partisipasyon sang tanan nga sektor sang komunidad sa pagpatuman sang mga programa para sa pagpreserbar sang kalimpyo sang Roxas City.
