ROXAS CITY – Wala sang may narekord nga bullying incidents sa mga eskwelahan ang Schools Division of Roxas City humalin sang Enero tubtob Marso 2026.
Sa interview sang Bombo Radyo kay Mr. Adonis Mosquera, Officer-in-charge sang Schools Division of Roxas City, iya ginpahayag nga nga gina-attribute niya ang achievement sa epektibo nga pagpatuman sang child protection programs, pagpabaskog sang referral systems sa mga eswkelahan kag pag-enhance sang guidance services nga ginahatag sa mga learners.
Suno kay Mosquera, ginpabaskog pa sang Schools Division ang mga pagpanikasog sa pag-promote sang child protection kag malikawan ng bullying pinaagi sa nagkalain-lain nga school-based initiatives kag interventions.
Dugang pa sang natungdan, committed ang Schools Division nga mapalig-on pa ang child protection kag anti-bullying programs bilang kabahin sang ila nga mission nga maprotektahan ang kinamatarong kag well-being sang kada estudyante.
