Russia, naglunsyar sang pinakamadamo nga airstrike sa Ukraine

Naglunsyar ang Russia sang pinakadako nga aerial attack kontra sa Ukraine.

Suno sa Ukraine military naglab-ot sa 537 ka mga aerial weapons ang ginpaulan sang Russia sa ila.

Kalakip na diri ang 477 nga mga drones kag decoys subong man ang 60 missiles.

Sa nasambit nga numero, 249 ang napatupa nila ka 226 naman ang nadula nga-electric jammed.

Ginkabig sang Ukraine nga ini na ang pinakamadamo nga air strike sang Russia halin sang nag-umpisa ang gyera sang masobra tatlo ka tuig.

Kalakip nga ginpatibusok amo ang fighter jet sang Ukraine sang gintistingan sini nga balabagan ang mga drones.

Ginkakugmat man sang Poland ang natabo sa diin nga nagpalupad sila sang mga fighter jets nila agud masiguro ang kaluwasan sang ila nga airspace.