Sam Milby, ginkumpirmar nga isa na ka tuig sila nga bulagay ni Catriona Gray

Ginkumpirmar sang actor nga si Sam Milby nga bulagay na sila sang nobya nga si Catriona Gray.

Gintuad sang actor nga halos isa ka tuig na sila nga bulagay sang Miss Universe 2018.

Nangin engaged ang duha sadtong 2023 apang sadtong nakaligad nga tuig natalupangdan sang ila mga fans nga ginkakas ni Catriona sa iya social media account ang natabo nga engagement.

Paathag naman sang actor nga nangin mag-abyan gihapon sila apang wala na sila karon nagaupod.

Wala naman sini gintuad kun ano ang rason sang ila pagbulagay.

Nangin pribado suno diri ang ila nga relasyon gani malaka nila ini gina-share sa ila nga fans.

Ulihi nga nakit-a nga magkaupod ang duha sa concert ni TJ Monterde kun sa diin layuay ang ila nga pulungkuan kag nangin emosyonal man si Cat.