Ginpabakod sang Sandiganbayan Fifth Division ang desisyon nga i-kansela ang pasaporte ni former Ako Bicol party-list Representative Zaldy Co kag ideklarar siya nga pugante.
Ini matapos ipagwa sang anti-graft court ang desisyon sadtong Enero 8 nahanungod sa urgent motion for reconsideration ni Co tungod sa kakulang sang nagakaigo nga basehan.
Suno pa sa korte, ang paglikaw sang isa ka akusado sa hurisdiksiyon ang ginakabig nga pagtalikod sa katungdanan nga magpangayo sang judicial relief, suno sa Rules of Court kag nagapadayon nga jurisprudence.
Nahibaluan nga nagapangatubang si Co sang duha ka kaso sang graft kag malversation may kaangtanan sa ginpahayag nga ₱289-milyon nga substandard road dike project sa Oriental Mindoro.
Una na nga ginpahayag ni Department of Interior and Local Government Secretary Jonvic Remulla nga si Co ang yara sa Europa, partikular sa Portugal, kag may impormasyon man siya nga may ara sang Portuguese passport ang anay mamalidha nga nakuha niya pila ka tuig na ang nakaligad.
