Padayon ang search and rescue operation sa Colombia sa ikatatlo nga adlaw matapos ang magnitude 7.4 nga linog nga nagigo sa pungsod sang Lunes.
Naglab-ot na sa kapin 250 ka tawo ang napatay bangud sa linog.
Isa sa ginatutukan sang mga rescuers ang natiphag nga apartment building sa Cali, sa diin ginapangita gihapon ang mga posible nga survivor nga natrap sa idalom sang mga nagkalaguba nga bahin sang building.
Suno sa fire department official nga si Camilo Cano, 20 ka tawo ang naluwas sa apartment complex sulod sang una nga 12 ka oras matapos ang linog, paagi sa bulig sang mga rescue worker kag residente.
Tatlo pa ka survivor ang naluwas sa nagapadayon ang mas mabudlay nga operasyon sa idalom sang mga nagkalaguba nga materyales.
Padayon gihapon ang operasyon sang mga otoridad agud maluwas ang iban pa nga posible nga survivors.
