Gintawag ni Senator Christopher “Bong” Go nga isa ka sahi sang pampulitika ang paghayag ni Police Colonel Jovie Espenido sa House of Representative agud idalahig ang anay Presidente Rodrigo Duterte sa anti-drug war sang gobyerno.
Suno sa Senador nga wala sang direkta nga impormasyon ukon ebidensiya nga dalahig ini sa koneksyon sang POGO kag drug war.
Malinaw suno diri nga isa lamang hearsay ini, apang natingala ini kun ngaman nadalahig ang pangalan sini sa affidavit. Dugang pa sang senador nga wala ini sang direkta nga kinaangtanan sa anuman nga POGO kag ang reward system sa drug war.
Sang ini ang nangin Special Assistant to the President, wala ini naghawid sang pondo para sa drug wars kag anuman gikan sa POGO. Natingala man ang senador kun ngaman pilit nga ginaangut ang POGO sa anti-drug war ni Duterte sadto.
Ginasiguro man sini nga ang mga suporta nga ginahatag sini ang halin sa legal nga pinaagi kag ini ang nakaprograma sa gobyerno.
Sa ulihi, nagpangabay ini sa mga kapwa mamalidha nga mangin mausisa sa mga imbestigasyon kag indi basta magpati lamang sa mga tsismis.
