Ginklaro sang Department of Justice nga ang pag-isyu sang subpoena kabahin sang preliminary investigation kag indi nagakahulugan nga guilty na ang respondent.
Suno kay DOJ Usec. Ian Norman Dato, ginhatagan sang kahigayunan sanday Sen. Robin Padilla, Lt. Col. Jean Robles kag iban pa nga respondents nga sabton ang reklamo nga obstruction of justice nga may kaangtanan sa ginaalegar nga paglikaw ni Sen. Bato Dela Rosa sa pagpatuman sang arrest warrant sang International Criminal Court.
Gintalana ang hearing sa Setyembre 25 kag Oktubre 9, alas-2 sang hapon sa DOJ. Kon indi magtambong ang mga respondents, mahimo ini nga kabigon nga waiver sa ila kinamatarong nga makapasa sang depensa.
Ginpahayag sang DOJ nga patas kag wala sang ginapaboran ang pagresolbar sang amo nga reklamo.
