Wala ginakonsinti ni Senator Sherwin Gatchalian ang ginhimo nga paglapas sa layi trapiko sang puti nga SUV nga ginapanag-iyahan sang Orient Pacific Corporation kung sa diin board members sang kumpanya ang amay kag utod sang senador.
Sa ginpaguha nga statement ni Gatchalian, bilang public servant sa sulod sang 23 ka tuig nagasunod siya sa mga pagsulundan kag layi sang pungsod.
Pahayag pa sini nga nangin prinsipyo niya bilang isa ka public servant sa sulod sang malawig nga tinion ang pagsunod sa layi sa tanan nga oras.
Dugang pa ni Gatchalian, ang isyu may kaangtanan sa ginhimo nga paglapas sang SUV yara na sa kamot sang Land Tranportation Office (LTO) kag responsibilidad sang ahensiya nga solusyunan ang nasambit nga problema.
Apisar nga may yara sang tion ang media nga makahinala may kaangtanan sa isyu ang Senador, wala naman ginkumpirmar sini kung sa utod niya ang Cadillac Escalade nga iligal nga nag-agi sa EDSA bus way kung sa diin ginapahayag plano nga mapangbunggo sa lady enforcer kag magpalagyo pa sa mga awtoridad.
