Nagsumpa na si Senate President Francis ‘Chiz’ Escudero bilang presiding officer sang impeachment court ni Vice President Sara Duterte.
Ang pagsumpa ni Escudero natabo pagkatapos nga pormal nga nag-file sang motion si Senate Minority Leader Aquilino “Koko” Pimentel nga buksan ang impeachment trial bangud sang madamo nga delay.
Ginbaton man sang Senado ang mosyon ni Senador Joel Villanueva nga ang tanan nga mga senador magsumpa bilang senador-judges sa impeachment trial kahapon nga adlaw, Hunyo 10 kag magatipon sila sa impeachment court sa Hunyo 11.
Madumduman nga nagpasaka sang impeachment complaints ang Kamara batuk kay Duterte sang Pebrero 5 bangud sa “high crimes” lakip na ang korapsyon kag ang ginaalegar assassination attempt kay Presidente Ferdinand Marcos Jr.
