Ginkwestyon ni Senador Ronald “Bato” dela Rosa si anay Department of Public Works and Highways (DPWH) Undersecretary Roberto Bernardo kun bala mahadlok ang mga opisyal kun mapasar ang layi nga nagapatuman sang death penalty batok sa mga kurakot nga pulitiko kag empleyado sang gobyerno.
Sa hearing sang Senate Blue Ribbon Committee nahanungod sa maaanomaliya nga mga flood control projects, ginpahayag ni Bernardo nga madamo nga mga opisyales ang sigurado nga magalikaw sa silot sang kamatayon.
Apang, ginabulubanta sini nga indi sini lubos nga madula ang korapsyon apang makabulig ini sa pagpanubo.
Bangud sini, ginsulit ni Dela Rosa ang iya proposal nga ipatuman ang death penalty batok sa mga kurakot nga opisyal.
Pahayag pa ni Dela Rosa, mas gusto niya nga mapreso sa Muntinlupa bangud mahimo pa niya nga “ma-enjoy” ang kabuhi sa sulod sang prisuhan.
