Nagpamalibad si Senate President Vicente Sotto III nga pirmahan ang request ni anay Blue Ribbon Chairman Senator Rodante Marcoleta nga ipaidalum sa Witness Protection Program ang mag-asawa nga sanday Curlee kag Sarah Discaya.
Ang nasambit nga sulat ang ginpasa kay Department of Justice Secretary Jesus Crispin Remulla apang wala ini ginlakip ang approval gikan sa lider sang Senado.
Gin-athag sang Senate President nga unfair nga hatagan sang proteksyon gikan sa gobyerno ang mag-asawa samtang responsable pa sila sa pondo sang publiko.
Dugang pa ni Senator Sotto, may yara sang maathag nga mga kondisyon antes makabig nga state witness ang sin-o man nga persona kaangay sang pagbalik sang nakuha nga kwarta kag ang pagsugid sang bug-os nga kamatuoran.
Ginmitlang man sang senador ang pahayag ni Mayor Vico Sotto nga butigon ang mag-asawa kag gin-ako nga indi mahapos ihatag ang ila ginahingyo nga proteksyon ilabi na nga madamo sang kwestyunable nga mga statements halin sa ila.
