Gin-amyendahan sang mataas nga konseho ang rules sang Senado nga kun sa diin ginhatagan sang awtorisasyon ang Office of the Senate Sergeant at Arms (OSAA) para protektahan ang mga senador sa sulod kag guwa sang building.
Ginpaathag ni Senate President Chiz Escudero nga ini ang bangud sa banta sa kabuhi nga nababaton sang pila ka senador tungod sang imbestigasyon kay Bamban, Tarlac Mayor Alice Guo.
Wala suno diri sang kasibangdan sa mga ginkakas nga pulis sa sa security detail nanday Senators Ronald “Bato” dela Rosa kag Bong Go.
Ginhatagan ang mga ini sang kapangyarihan nga magpaguwa sang mga warrant of arrest kag subpoena nga gin-isyu sang Senado bangud sa karon, kinahanglan pa sang mga ini nga mag-agi sa pulisya.
Si Senate Majority Leader Francis Tolentino ang nagduso sang pag-amyenda sa Senate rules nga kun sa diin nagsiling ini nga nakaka-istorbo sa ikasarang sang Senado bilang isa ka institusyon sang gobyerno nga may kaugalingon nga security kag operational protocol.
